馬德鐘（Joe）、王君馨及李思捷前晚到西貢食飯兼欣賞無綫劇集《飛虎Ⅱ》大結局，Joe對劇集在內地有8億點擊率感到鼓舞，更搞笑地將一盆花轉交思捷，希望對方緊接周日檔播出的新節目《今晚睇李》能延續好收視。

馬德鐘在大結局晚宴上贈予李思捷一盆花，寓意其節目能「接棒」延續好收視。

王君馨希望練好腹肌挑戰演女飛虎。

在上海簽約的馬德鐘獲贈金馬擺設。

馬德鐘、王君馨、胡定欣及李思捷等無綫劇集《飛虎Ⅱ》演員，前晚到西貢食飯兼欣賞劇集大結局，自攜靚酒到場的Joe說：「我帶咗支威士忌嚟，但唔會不醉無歸，因為第二朝仲要飛上海出席簽約新公司儀式。《飛虎Ⅱ》喺內地反應好好，我之前返去做嘢，好多工作人員追問我同鍾嘉欣會點，我都未睇，唔知監製個結局點剪。（對結局收視有信心？）希望30點啦！」

君馨望做女飛虎

君馨則望再開續集：「我希望下次可以演女飛虎，我想練吓啲腹肌，監製話《飛虎Ⅱ》喺內地有8億點擊，好犀利！（食住個勢接內地Job？）之前我都拍咗部內地電影，素顏演出，同內地導演、演員合作，有好唔同嘅火花，希望練好啲中文，咁做起戲嚟就可以自然啲。」而被委以重任的思捷說：「盡我所能，《今晚睇李》我想做好耐，吳君如、毛舜筠、周秀娜落實咗會做嘉賓，我仲度咗好多散Gag，好似以前《鬼馬雙星》咁，希望觀眾喜歡！」

赴越南拍新片

此外，Joe昨日西裝骨骨到上海出席簽約新公司儀式，獲贈金馬擺設，他說：「我一直想跟內地公司合作，泓霆影業在影視、舞台劇都經營得很好，高層年輕但很有想法、遠見。我以後只需專注做好工作，其他可以放心交給他們。」其太太於微博大讚老公靚仔，而Joe今天將啟程到越南拍攝紀念中國及越南建交的愛情文藝片《越來越囧》。