「大美人」李嘉欣和黃又南、蔡加讚昨日出席其有份設計的手錶發布會，當中善款會捐給由她成立的「JMJ兒童慈善基金會」，首次設計手錶的她表示老公許晉亨會出錢支持她：「買幾多就我揸主意，之前出咗樣辦，已經好多朋友認購。」

李嘉欣喺滑雪場跌到一仆一碌，睇嚟要跟囝囝學吓嘢。

黃又南盛裝撐場，非常有型。

官仔骨骨的蔡加讚應該擁有不少名錶吧！

另外，早前與老公及兒子小JM到北海道滑雪的她說：「我同囝囝都係第一次滑雪，我仲喺個兒童滑雪場度跌到一仆一碌，囝囝同老公已經上到個斜坡，喺我身邊滑過，我仲好似喪屍咁爬緊。囝囝好鍾意玩，所以我都要從中搵樂趣，已經訂咗四月初再去。」不過她強調只會到日本滑雪，因為受不了與兒子齊坐長途機，又笑言今次已被兒子吵得想跳機。