劉心悠昨日出席活動時透露一踏入2015年便被母親催促拍拖，但她表示現時只想專心完成第九次馬拉松的10K（公里）賽事，待跑夠100K後才挑戰全馬（42公里）。

心悠BB與主持宋熙年即場大玩自拍！

出席商場活動的心悠BB，引來大批市民圍觀拍照。

劉心悠（Annie）昨日身穿紅色碎花長裙出席時裝樓層開幕禮，即席分享扮靚心得及與觀眾大玩自拍，將現場氣氛推至高峰！

搵好男友難強求

她透露除夕夜於工作中度過，沒有參與任何倒數慶祝活動：「因為呢排宣傳緊電影《小姐誘心》同拍緊《有客到》，嗰晚去完Paco（黃柏高）飯局，返到屋企又食埋媽咪嗰餐，連食兩餐飽到不得了！」問到母親在新一年有否催促她拍拖？Annie笑說：「都有催過嘅，不過唔係日日囉！我哋經常討論去邊度玩同旅行，（努力搵個男朋友？）唔會努力啦！呢啲努力唔到。」

她又謂在2015年只有兩個願望：「第一係完成今個月25號嘅馬拉松10K賽事，（第幾次跑？）今次第九次喇，我諗住完成100K先去跑全馬。」

「大酒店」開工喊驚

她表示第二個願望是希望工作順利：「我依家拍緊電影《有客到》，之前都去『大酒店』（殯儀館）開工連開二十個鐘，因為嗰度原本唔畀拍，所以一拍得就連續拍快啲囉，我去拍之前都好驚，嗰場係我自己角色個喪禮，所以都拜晒神先去拍，（現實有冇遇過靈異事件？）好彩又冇遇過呢啲事，（見到自己張遺照有冇心寒？）其實都有心理準備，仲會諗第時自己會唔會咁！」