歌手馬嘉均昨日為其手語音樂會舉行記者會，他希望透過音樂會令大眾關注手語及聾啞人士，做到傷健共融。問到為何有這構思？他說：「曾經有個聾啞嘅歌迷傳短訊畀我話我唱歌好聽，原來佢有戴助聽器，仲可以感受到震動頻率，令我覺得聽覺好重要，對嗰啲人係好珍惜。」他透露屆時將會邊唱歌邊與義工團表演手語，問到他的手語能力？他說：「學咗一部分，但好難，希望識多啲呢類人可以練多啲。」此外，他透露早前為拍攝音樂會海報赤裸上身，十分辛苦：「一來好凍，二來要噴啲好似雪嘅嘢喺個口同全身，仲噴到成口都係，不過出嚟效果唔錯都值得嘅。」

馬嘉均希望藉手語音樂會令大眾關注手語及聾啞人士。