有「嫩口張可頤」之稱的張可義，姓名相似之餘，就連樣子亦似足張可頤，這個名字成功令她更多人識！眼見模特兒奇招盡出博上位，她卻希望以健康路線殺出一條新血路！

面對複雜的模特兒圈，張可義選擇做自己行健康路線。

恨拍戲的張可義最想同古天樂合作愛情喜劇。

張可義（Emily）的皮膚黝黑，她的名字令人聯想到女演員張可頤，其實她們毫無關係！入行做模特兒4年的Emily，去年代表香港到北京參選中國小姐。她笑言名字易記吸引客戶留意，變相增加工作機會：「每次自我介紹，都會被問我係咪同拍電視嗰位女演員有親戚關係，當然冇啦，哈哈！不過就令人對我深象深刻，下次有Job又搵我開工，都係好事嚟！」

唔做第三者

近年模特界競爭激烈，模不惜自製騎呢新聞博出位，Emily指每個人有不同生存方式，她會堅持行健康路線：「唔會咁做！更何況我唔係行『事業線』，我鍾意運動，行『人魚線』、『馬甲線』啦！」

曾與足球員爆出緋聞的Emily坦言，當初不知道模特兒界這麼複雜：「無啦啦畀人影到覺得好突然！我亦唔知呢行咁易有緋聞，我完全冇Ready，好驚面對媒體！我一知道佢有女朋友都即刻放手。」幸好獲朋友及家人的支持，陪她渡過難關。

冧爆古天樂

鍾情型男的Emily擇偶條件必須是亞洲人，首選港男。她最想跳入大銀幕拍喜劇：「愛情片遲啲先啦，又要喊苦喊忽，我想人哋笑到喊多啲！」更直言想與「男神」古天樂合作：「同佢一齊拍喜劇加愛情片就最正！」

姓名：張可義（Emily）

年齡：24歲

身高：1米70

三圍：33C、25、35