譚詠麟、張敬軒、林欣彤、汪明荃（阿姐）及黎耀祥等前晚在電視城演出無綫節目《慈善星輝仁濟夜》，阿姐及祥仔合唱粵曲望籌得更多善款。而軒仔則自爆平安夜在家搞Party，賓客似吸塵機將食物掃清光！　　

軒仔自爆平安夜在家開派對，更做埋侍應。

軒仔為仁濟騷獻Sing，希望籌得更多善款。

穿唐裝的祥仔，與阿姐合唱粵曲《帝女花之庵遇》。

譚詠麟為仁濟騷擔任壓軸嘉賓。

薛家燕亦為仁濟騷出一分力。

譚詠麟、英皇歌手張敬軒、林欣彤、羅力威、薛家燕及黎耀祥等前晚現身電視城，演出無綫節目《慈善星輝仁濟夜》，譚詠麟則擔任壓軸嘉賓。以一身唐裝上陣的祥仔，與阿姐合唱粵曲《帝女花之庵遇》，他表示從小已聽任劍輝的版本長大，故十分熟悉，更被樂師指他唱腔似足任姐。他希望下次與阿姐合作可全裝上演粵劇，並向阿姐學習做手。

賓客狂食乜都掃清

而祥仔昨日出席另一個中藥活動時透露，即將與太太到日本旅行過二人世界，已育有一子的他自爆太太想追多個女。問到會否向陳豪請教生女秘方？他說：「我追佢唔到，佢有兩件喺手，希望佢追到先，我再請教佢！」

而在節目中打頭陣的軒仔自爆平安夜在家舉行派對，笑言嘉賓陣容不比樂壇頒獎禮「輸蝕」：「賓客好似吸塵機咁，掃晒所有香檳同薯片，好彩佢哋唔嫌棄福字麵！（有飲醉？）我冇囉！因為我唔得閒醉，後期仲做埋侍應添！」

難統一音樂頒獎禮

對於被黃秋生點名提議他在家舉行頒獎禮，賽果會更公平，軒仔說：「我公平o架！願賭服輸就一時時啦！我明阿Sir（秋生）意思，佢都係想公平！」他又認為四台因商業因素而難以統一頒獎禮。提到頒獎禮中的衣着被指有政治意味，會否擔心被批評？他認為藝術等於政治，藝術家也有訊息希望帶出，又表示並非搞噱頭，只是為了象徵某些精神。