紅館有騷開杜德偉造人叫停

舞王杜德偉（Alex）及組合Super Girls等昨日於銅鑼灣出席《擁抱．愛．香港》迎2015年除夕派對啟動禮，一眾歌手以勁歌熱舞陪大家迎接新一年。Alex透露在聖誕期間收到紅館的好消息，以致他暫停造人大計：「紅館批咗三月底個期畀我開演唱會Part II，本身仲諗住可以努力造人！（生羊B無望？）應該係天意！」他又表示為了個唱會再操Fit身體，更會演唱一些之前沒有唱過的歌。至於會否繼續巡迴演出？他說：「本身Plan咗，依家會改，但都會去美加嗰啲。（巡迴期間造人？）都得喎，幾溫馨！」而Super Girls則稱除夕要走兩場活動。