無綫藝人黃德斌、敖嘉年和蔡思貝等，前晚在啟德郵輪碼頭拍攝新劇《當鐵馬遇上戰車》捉飛車黨的場面，問到可有向德斌放電？曾自認「發電廠」的思貝坦言彼此零代溝：「我點解要電佢？我同佢成日互窒！」她認為對方風趣幽默，有意推薦他做較滑稽的角色，德斌則笑指是他反電思貝：「我電佢就有！佢開工都開到冇電啦！」

蔡思貝與黃德斌（圖）Friend過打Band，最愛鬥嘴「促進」感情。

蔡思貝

德斌又透露與對方有親熱戲：「唔係嗰種，都親、都熱o架！（有咀嘴？）咁又冇，兩師徒！」在旁的思貝即邊走邊自稱「第三者」，認真搞笑！至於同場的敖嘉年透露早前才考得電單車牌：「考完後佢哋就話拍呢套劇，問我有冇電單車牌，真係好好彩！」