「廿四孝媽咪」蔡少芬昨日帶同女兒及三姨到迪士尼樂園歡度除夕，豈料遇上扒手，名牌銀包及約萬元現金不翼而飛，幸獲好心人拾回交還證件及信用卡等。

蔡少芬一心與三姨及女兒到樂園歡度除夕，豈料卻遇上小偷。

蕭正楠搭上搭助Ada領回失物，當時心急如焚。

Ada打算補辦證件時收到樂園通知，其後領回部分失物。

蔡少芬（Ada）昨日帶同兩名女兒到迪士尼歡度除夕，卻懷疑遇上小偷，名牌銀包連同約萬元現金不翼而飛，她憤怒地在微博留言：「今天遇上扒手！我的銀包被偷了……真的好嬲，世上好多的不辛（幸）都是從人為而來！但願那些壞人能早日做回好人，世界才能和平……」

建議入口加強保安

正當Ada疊埋心水報警兼補辦各類證件之時，「好人」卻突然出現，她說：「我排隊諗住補辦車牌時收到樂園電話，話有人執到我啲證件，嗰時我已經Cut剩一張信用卡，都報失咗回鄉證同身份證。」她又透露明天要到內地工作，擔心元旦日辦理補辦手續會較麻煩，所以想盡快處理，並說：「冇咗成萬蚊現金，唔算好多，算係不幸中之大幸！（銀包好名貴？）係名牌，係舅父送畀我，好有紀念價值。」

Ada感激好心人幫忙，又明言想表揚拾獲證件的內地遊客：「佢話當時喺噴水池附近同女玩緊，見泥地上有堆證件同信用卡，於是報畀樂園保安知。（點答謝對方？）本來都想有啲表示，又想同佢合照，但佢婉拒咗，加上阿女又嗌肚餓，我都忙到一頭煙！」

Ada讚樂園職員提供了不少報失電話及資料，但認為有關方面應加強保安：「我覺得喺檢查袋嗰個位置畀人打荷包，當時報咗警，又同在場警察講唔追究，但想睇番閉路電視。不過樂園話個鏡頭Pan咗另一邊，影唔到。其實嗰個位都重要，可能有人會帶危險物品入去，個鏡頭係咪唔應該Pan嚟Pan去？」本報記者向迪士尼公關查詢此事，發言人指不便回應個別事件，樂園一直致力維持治安及保障賓客與其財物之安全。

有心人搭上搭歸還

而幫助Ada尋回失物的有心人，原來正是蕭正楠（Edwin）好友的朋友，因而透過他通知Ada取回失物。Edwin透露沒有Ada的聯絡電話，惟有在微博傳私訊：「畀咗執到嘢嗰位朋友嘅電話Ada，等佢哋聯絡攞番。」