「任白」得意門生龍劍笙（阿刨）共演出25場的《任藝笙輝念濃情》折子戲圓滿結束，阿刨接受本報專訪時想到戲迷的支持，淚水不禁奪眶而出，足證是個性情中人。儘管移居加拿大，但阿刨每年必返港探望年邁的母親：「加拿大同香港唔太遠，十幾個鐘就到，我又掛住媽媽，所以年年都返港探佢，佢106歲喇！」阿刨大讚母親精靈至極，還公開媽媽長壽秘密：「媽媽好犀利，仲係好清醒、好精靈，佢好鍾意打牌，識做牌，專做清一色，但要人幫佢摸，佢就做指揮，打邊隻佢就指畀你睇，好叻女！每次返嚟見佢都好開心。」

龍劍笙（阿刨）

阿刨（中）與兩位花旦鄭雅琪（左）和李沛妍一同受訪，提攜後輩。

龍劍笙（阿刨）

而談到與任姐的師徒情時，阿刨總是有笑有淚，她表示返港前曾夢見任姐：「返香港之前夢中見過師傅（任姐）兩次，係9月前嘅事，好記得夢中畫面，記得佢嘅笑容，叫我要努力演出！」阿刨在香港土生土長，言談間滲出自己的香港情：「我呢度出世、呢度長大當然有無限感情，好希望香港人個個開心快樂，安定繁榮，香港係一個福地。」三份情懷三種心情，也許阿刨一生也離不開「情」這個字！

至於與阿刨共同演出的兩位花旦鄭雅琪和李沛妍，均表示會謹記阿刨的「錦囊」，望粵劇可以薪火相傳。