清穗久美子大豐收爭個好老公

2014年是名模Mandy Lieu愛將34D日模清穗久美子（Kumiko）大豐收的一年，寫真大賣成功上位，踏入2015年第一日，她在彩色氣球上寫上「2015快樂」，祝願大家於新一年開心快樂和減少戾氣，又希望新一年作多方面嘗試：「我有朋友做時裝，想試吓設計手袋同衫，仲想拍多啲MV同電影，但首要係學好廣東話同普通話。（再出寫真？）當然想，但未知公司計劃。（新年願望？）除身體健康、香港和平外，我想搵個好老公，但必須搵個男友先。（識個香港男士做男友？）我初嚟香港時識過一個香港人做男友，但只拍咗一個月拖，之後嘅男友都係台灣人。」回顧過去一年，她自爆在日本駕車時不幸撞車，幸沒有受傷，但被媽咪禁止再駕車，今日則會約朋友開派對慶祝。