羅力威昨日出席EP發布會時慘變「水人」，獲歌迷送上愛心紙巾。他又透露平日喜歡改編歌詞氹粉絲，更自認懂得挑選禮物為女友製造驚喜！

羅力威舉行新碟發布會，吸引大批粉絲捧場。

羅力威變身鋼琴王子，自彈自唱新曲冧粉絲。

歌迷上台送花，祝羅力威新碟大賣。

歌迷遞上紙巾給羅力威抹汗。

羅力威昨日在海港城為首張EP《TIME ALONE》舉行發布會，他即席自彈自唱新碟中的歌曲，又把自己的歌曲《潮水》改編，但未知是否現場燈光太強烈，令威威簽碟時大汗疊細汗。一班歌迷主動遞上紙巾給他抹汗。

想一對一學舞

受訪時，威威表示新碟中有很多新嘗試：「入面有蒲歌同Party歌，希望大家會睇到一個全新嘅羅力威！」問到會否挑戰跳舞？他笑言希望以彈琴為主，不過亦想嘗試：「我知道啲歌迷其實好鍾意驚喜，所以都想滿足佢哋嘅，但等我大膽啲先！」性格害羞的威威希望可以一對一教學，因為他不太敢與其他人一起練舞。

提雨僑即扮傻

其後威威透露平日喜歡出其不意，問到會否為女友雨僑製造驚喜？他即帶記者遊花園：「喺音樂上，我以前會成日改吓歌詞，啲歌迷都好鍾意，不過呢兩年都做少咗好多。」當記者再重複問題時，他只說：「冇回應呢個問題好耐。」問到之前的女友，威威自認買禮物有心思：「我唔會年年買一樣嘅嘢，自己都嫌悶啦！我覺得生活上都一定要有驚喜！」