導演陳勳奇昨日出席空手道公開賽活動，提到攝影師陳國雄拍新片《絕地逃亡》時墮海身亡，當時與成龍（大哥）在車上洽談《十二生肖》續集劇本的他表示遺憾：「好多嘢冥冥中冇得解釋，愈唔會出事嘅環境就愈出事，好抱歉，只能話經一事長一智，希望以後攝影組、劇組、動作指導欺山莫欺水。」他又坦言大哥心情麻麻：「個仔（房祖名）又出事，拍戲又出事，但我哋呢批硬漢都識用工作忘記悲傷，所以佢唔畀自己空閒。」早前其女兒陳開心墮樓身亡，陳勳奇稱獲大哥勸喻寄情工作，但他仍眼濕濕地說：「如果我多啲陪家人，就冇呢個悲劇發生，過咗去嘅嘢就唔想提。」

陳勳奇以榮譽會長身份出席空手道公開賽。