朱晨麗（朱朱）在劇集《八卦神探》中開拓新戲路，以打女破格跑出的她早前更殺入電影《賭城風雲2》扮演保鏢，對吃慣苦的她來說可謂得心應手。朱朱笑言最難得的是與兩大影帝周潤發及張家輝合作：「發哥真係Nice爆，佢話有留意TVB劇集，連劇情都講得出，當然要請發哥支持《八卦神探》啦！我仲把握機會集郵！」她又自爆劇中角色是從張家輝的《激戰》中取經，對於今次合作，她大感驚喜：「估唔到要保護一個猛男！佢係一個好專業、好萬能嘅演員，今次合作都有把握機會偷師！佢同時又係一個好男人，曾經同娥姐（關詠荷）合作《情逆三世緣》，見到佢同屋企人好Sweet，真係好幸福，好羨慕呀！（視家輝為擇偶條件？）冇第二個家輝喇喎！」

外表嬌柔的朱晨麗接連在電影及電視劇中做打女，可算是一個突破！

難得與發哥及家輝兩位影帝合作，朱朱當然要集吓郵先啦！

朱晨麗、張家輝