Sean讚婷婷Wonderful：將來嘅嘢冇人知

早前Sean因被拍下與女伴荒唐夜蒲，當眾剝衫露腩又露點，激怒女友謝婷婷，隨即高調宣布分手，結束一年情。兩人呢頭話分手，未足一個月已偷偷復合，被今期《好報》拍到常常偷偷約會。據知兩人雖然分手，但依然互有留戀，Sean深知婷婷心軟，頻頻出招冧伊人。仍未忘情的婷婷，決定不計前嫌，再投Sean懷抱，而為保這段失而復得的戀情，翻撻後轉玩地下情。

前後腳保持距離

他倆不時秘密約會，而且作神秘打扮，本月4日，婷婷戴帽、黑超到銅鑼灣，見她警覺性甚高，不時東張西望，其後步入一幢大廈。相約不到一分鐘，同樣戴黑超的Sean現身該大廈，兩人到達大堂後才會合，雙雙入升降機。約一小時後又雙雙離開大廈，婷婷正想由大堂步出正門時，Sean即叫停，在她耳邊喃喃幾句，婷婷乖乖和應後，隨即移步走後門，還前後腳刻意保持距離。Sean更不時鬼祟周圍望，直接目送婷婷上車，才安然離開。

「我哋關係好好」

昨日記者致電Sean，問是否與婷婷復合？他不但沒有抗拒，還不忘隔空讚美婷婷：「嗰日婷婷上嚟我公司傾展覽嘅嘢，我哋一直係朋友，因為展覽嘅嘢成日都會聯絡，佢好支持我，我哋關係好好。（但你哋嗰日行後門咁鬼祟？）嗰陣係我嘅私人時間，我尊重番自己私人空間。」至於有否機會復合？他即哈哈大笑說：「Never Know，將來嘅嘢冇人知，希望大家都開心，聖誕快樂，婷婷係一個好特別嘅人，係一個Wonderful Girl！」至截稿前婷婷對復合一事未有回覆。