今年三月誕下萌娃India的混血名模Cara G.，首次一家三口過聖誕，她與老公Jesper打算帶囡囡到美國與爺爺嫲嫲過白色聖誕。同為模特兒的Cara和Jesper平日雖然忙到甩轆，但不會忽略囡囡的教育：「我覺得對小朋友嚟講『玩』係最好嘅教育，畀佢哋去感受同嘗試，即使唔跟規矩都得。」他倆又強調陪伴的重要性：「我哋返工時間都好自由，所以會確保有一個人可以陪到India。就算有時候我哋要飛去其他地方做嘢，我哋都會帶埋佢！」但她堅拒讓女兒入行：「除非佢大個後決定入行，否則唔會畀佢做童星！（生多個？）將來一定會再生！因為我好享受做母親！」

Cara G.與老公Jesper偕女兒到主題樂園遊玩，盡享天倫之樂。