勇奪無綫「飛躍進步男藝員」的張繼聰（Louis）今年可謂「紅」運當頭，接Job接到手軟之餘，更獲香港賽馬會選為「好運之星」，並於明年元旦到沙田馬場出席「好運1月1賽馬日」。Louis揚言當日會將好運分享給粉絲：「好運係要互相分享，想要好運就要保持愉快嘅心情，善待自己同身邊人，好運自然會嚟。」

Louis感謝老婆謝安琪一直支持他。

今年Louis於台慶勇奪「飛躍進步男藝員」獎！

Louis透露獲獎時老婆謝安琪比他更開心，So Sweet！

老婆就是禮物

擸下大獎的Louis未有獎勵自己，更冧爆表示老婆謝安琪的心靈鼓勵已是最好的禮物：「我覺得好感動係，你遇到啲嘢都覺得冇乜嘢，但另一半比你更開心，其實呢樣已經係一樣好Sweet嘅嘢。」他為感激老婆背後的付出，更打算送大禮氹對方開心！