前港姐楊洛婷與樂隊Dear Jane成員阿Tim（黃天翱）本月中在美國夏威夷拉埋天窗，一對新人昨晨推着大堆行李返港，更應記者要求兩度咀嘴，楊洛婷左手無名指戴上閃爆巨型求婚鑽戒及粉紅鑽婚戒，為保持神秘，她不肯透露巨鑽卡數：「好閃咪得囉！」她又提到此行探望了阿Tim於紐約居住的公公，更自爆曾向對方取「生仔」秘訣：「我有問公公有咩貼士畀Tim。」阿Tim覆述公公的言論：「佢話呢啲男人嘢好自然。」楊洛婷承認恨生B：「日日都諗！」記者笑指阿Tim要日日做加快「效果」，阿Tim表示會配合太太：「冇所謂！」楊洛婷即時面紅紅地撒嬌：「唔好講呢啲，媽咪喺加拿大會睇到報道！」

楊洛婷與阿Tim大晒手上的巨型鑽戒。

又即場啜爆，閃到呢！

在美國探完阿Tim的公公後，一對新人抽空玩跳降傘。