張兆輝、陳敏之、阮兆祥及江美儀等昨日為無綫劇集《性在有情》拜神，雖然張兆輝的造型威猛，但他於心口掛着一個「精」字，許紹雄見狀笑說：「你係咪姓捐，叫捐精。」。談到拍攝親熱戲會否向太太備案﹖張兆輝說：「唔使，拍戲啫！電視尺度都有限，套劇都係輕鬆搞笑。」問到平安夜會否擔心子女失身，他說:「呢啲好睇個人，都有教佢哋按部就班。」

心口掛住大大個「精」字的張兆輝與陳敏之攜手出席。

細細粒一身女僕造型和許紹雄齊現身。

祥仔和江美儀黐實影相，相當合拍。

而扮演性治療師的敏之，被問到對新婚有否得益時笑說：「冇得益呀！呢排冇時間搞呢啲，不過遲啲都有用。」又指老公亦認為該劇的題材大膽，更有興趣追看，她說：「到時叫佢自己睇，我就同班姊妹睇！」而早前被指得罪無綫的阮兆祥則表示續約機會很高。