歌手林欣彤（Mag）前晚出席無綫《2014勁歌金曲優秀選第二回》時，罕有以低胸裙上陣大晒事業線。雖然做足安全措施，但Mag表現怕醜，在網上買裙的她否認Push Up：「我覺得有啲衫唔Push Up靚啲！」問到之後的頒獎禮會否更性感？她表示交由造型師決定：「最緊要靚，我唔介意着得性感，出嚟感覺健康就得，都差唔多搵晒衫。（試吓Push Up？）唔使啦，正正常常，除非有好需要Push嘅廣告。」單身的她透露聖誕節會在工作中度過，但因有家人及粉絲陪而不覺得Dry。

Mag演唱得獎歌時彎身感謝歌迷支持。

羅力威（左起）、鍾舒祺、洪卓立、張敬軒、Mag及馮允謙齊齊笑住捧獎。