拿督女兒莊思華（Mona）日前與男友告崇恩（Sean）恩愛出巡購物，Mona買到一袋二袋，男友即買飲品給她啜番啖解渴，盡顯體貼一面。反觀冇拖拍的家姐莊思敏，則拖男帶女到中環開餐密密食。

Mona與男友Sean現身銅鑼灣Shopping，有不少戰利品。

Sean一副冧樣回頭望實女友Mona。

單身的莊思敏與友人開餐時，木無表情。

莊思敏

著名練馬師告東尼的兒子「小告」告崇恩與莊思華拍拖五年，經常孖公仔出動，雙方早已見過家長，感情穩定。日前下午6時許，二人又孖咇出巡銅鑼灣Shopping，為爭取時間，二人分頭行事，Mona獨自到超市掃貨，Sean則到附近找朋友。

買到一袋二袋

火速買到一袋二袋的Mona致電男友後，即急急腳往會合，Sean見狀即為她拿較重的戰利品，並到果汁店排隊購買飲品，第一時間給女友解渴，Mona輕啜幾啖再遞給男友，認真Sweet！其後聯同朋友一行三人步出商場，煙癮起的Sean走到垃圾桶旁，與友人邊吹水邊吞雲吐霧，Mona則企在旁邊默默望實男友。待友人離開後，Mona與Sean繼續逛街，當發現記者時，二人即閃入名店，再匆匆往停車場取車。

另一邊廂，冇拖拍的家姐莊思敏日前相約數名男女友人到中環開餐，席間眾人邊食邊傾，目前單身的她心情卻似乎麻麻，雖然友人傾到興高采烈，但她木無表情，並懶理儀態只顧低頭大啖大啖食。