名模馬詩慧（Janet）昨日與長女王曼喜及孻仔王躍穎出席Cafe開幕活動，嘉賓還有余安安和一對女兒及模特兒陳祉妤等。問到Janet可會做生意，她說：「做生意好大壓力，見我老公就知！想成事要擺好多時間同心血落去。（老公王敏德間舖開咗未？）開咗！不過仲未Grand Opening，我都會幫吓手。（幫手管數？）管數唔得，我數學好差，讀書時數學唔合格，會搵幫手。」

王曼喜（左起）、王躍穎與媽咪馬詩慧一家戴超Chok台型。

提到女兒曼喜日前又被拍到與女友Lia在街上咀嘴，Janet說：「Just Kiss，冇所謂，情到濃時冇乜大不了，唔係好激嘅行為。曾幾何時我哋細個都做過，如果係好激就要收斂。由始至終唔係罪，既然佢公開咗，點解唔可以做番自己？喺街咀嘴我同Michael（王敏德）都會，依家都會，更何況係廿幾歲？同埋Lia今年唔喺香港過聖誕，尋晚飛咗，曼喜尋晚返嚟都唔係幾開心，不過佢好快會冇事。」