Ashina抗鹹豬手 崔碧珈獅吼退狼
正所謂「平安夜，失身夜！」靚女聖誕夜蒲要小心！「嫩版謝安琪」郭奕芯（Ashina）及「G奶謝安琪」崔碧珈（Anita）異口同聲表示在佳節遇過「鹹豬手」，大呼驚驚猶有餘悸，認真陰功！
人靚身材正的Ashina，大爆連續多年沒男友陪伴。
平時打扮性感的Ashina，提到聖誕夜蒲即表示要「封咪」。
「G奶謝安琪」崔碧珈透露，在英國過聖誕時曾留下可怕陰影。
崔碧珈自小訓練好酒量，避免飲醉被人博懵！
兩位女神郭奕芯及崔碧珈分享聖誕的遇「狼」經歷，勸女士夜蒲前先練好酒量，收起性感！曾被影到與盛品儒當街啜爆的33C Ashina出寫真爆紅，平時打扮性感的她提到聖誕夜蒲就說「封咪」，更自爆恐怖經歷：「有年聖誕同班Friend一齊夜蒲，畀人鹹豬手！因為地方太窄，啲人有意無意掂你，嗰度又嘈，根本鬧佢都冇用！有次個男人仲拖住我，拖到好實，之後佢攬住我摸我個胸，我即刻嬲到大力推開佢！所以我衷心呼籲各位姊妹，唔好着得咁性感，去蒲都要着多件衫！」
想認真拍拖
人靚身材正的Ashina，自爆連續多年沒男友陪伴，她傷心地說：「呢兩年都冇男友，今年又冇，真係好Dry！好希望有人約，如果冇，我都會約朋友去蒲，但係一定唔會喺夜場搵男友，我覺得佢哋好隨便，冇咩安全感，驚佢又會咁樣識其他女仔！我想搵個係認真拍拖，所以會喺正經場所識或者由朋友介紹！」Ashina坦言憧憬浪漫聖誕，恨拍拖的她更幻想：「最正嘅係男友肯畀驚喜我、肯花心思，同我嗌大交，執衫趕我走，點知係幫我拖篋去機場同我去旅行，過個白色聖誕，我一定感動到傻！」
至於性感「咪神」崔碧珈亦化身聖誕女郎，抵冷大騷36G巨胸吸「睛」，她自爆過往在英國過聖誕的經歷，令她留下可怕陰影，她說：「以前喺英國都會同女仔Friend一齊去蒲去玩，有次我Best Friend飲多咗兩杯唔舒服，然後唔見咗人好耐，跟住我去搵佢，發現佢畀幾個男仔圍住，仲對佢上下其手！我諗住即刻拖佢走，佢哋仲趁機抽我水，我即刻大叫，佢哋都嚇親，唔敢再放肆！」
訓練好酒量
Anita慶幸自小被家人訓練好酒量，避免飲醉而被人博懵！前車可鑑，Anita表示防狼只得一絕招，就是與信得過的朋友在家中開P！現在單身的她，更回憶與舊男友Sweet到漏的聖誕，收到男友花一個月時間用乾花摺成禮物，又大玩煮飯仔。
