春卷結新歡思捷送祝福

王宝宝（春卷）自從與李思捷分手後一直未有新戀情，日前她到香港迪士尼預早慶祝聖誕，並甜蜜表示已有新男友，兩人拍拖數月，以往在聖誕節也要開工的春卷，今年會與男友Norris在外地慶祝聖誕：「佢係圈外人，喺澳門做生意，所以比較低調。我哋係由朋友介紹認識。（邊方面吸引你？）鍾意佢個人好真，同我性格好似，就好似男版嘅我，所以我哋好明白對方。（佢會唔會唔鍾意你做娛樂圈？）佢都OK，做得我男友就要接受我係咩人。」問到思捷知否她有新戀情？她稱對方知悉並送上祝福。