o靚模尹蓁晞前晚出席夜場活動時，自爆日前在旺角鬧市慘遭醉漢非禮摸大髀，原來這已不是她首次遭人鹹豬手，她聲言下次定必報警，不會再放走色狼。

Yumi以比堅尼上陣，大晒驕人身材。

LuLu透露將會拍攝新片，飾演「十四巴港女」。

仙樂都前晚出席活動時，寸爆黃集鋒小器。

尹蓁晞（Yumi）前晚以比堅尼上陣，與性感女星王璐瑤（LuLu）、仙樂都、黃榕及「中國小姐」趙哲妤等為夜場活動擔任嘉賓。谷胸的Yumi搶盡「峰」頭，即使LuLu同樣穿比堅尼也不敵。訪問期間Yumi自爆日前在旺角被人非禮：「有個男人好大力咁揸我大髀，我有話『喂！做咩！』佢個Friend就話佢飲醉，我都聞到好大陣酒味。之前都試過兩、三次，下次會報警。（着得好性感？）唔係，黑色絲襪。（今晚咁性感驚唔驚再畀人摸？）呢度有好多人保護我。」

Yumi又表示早前為此騷積極減肥，對於被舊愛陳偉成（Avis）指她比以前肥胖，她說：「可能佢以為我冇去健身中心減肥，但其實有美容公司幫緊我。（同佢劃清界線？）分咗手，應該要劃清吓好啲。（分咗手仲寸你肥好小家？）男人嚟講都係，正常人唔會咁講。（分手係正確決定？）咁都有開心過嘅。」

問到酬勞是否很高，她說：「OK！幾多就唔方便透露。（依家靠自己搵錢？）一向都係，唔靠男人。（以後要帶眼識人？）一向都會，但會了解清楚先拍拖。（之前太衝動？）係，識男仔會小心啲。」

仙樂都寸爆黃集鋒

另外，LuLu被問到早前有指她與AD2成員Amy在菲律賓進行不道德交易，而令她接不到當時正洽談的電影，她表示已向電影公司澄清，將會在該片飾演「十四巴港女」。

而坐下時不慎春光乍洩的仙樂都，早前指稱拍微電影時遭亞生黃集鋒鹹豬嘴，對於黃集鋒自爆戶口只剩$7.9，她笑說：「我知，有朋友同我講。（打救佢？）歪啲音就可以！之前合作唔係幾開心，呢頭講完做番Friend，轉頭喺網上寫我，不過可能文化唔同。（覺得小器？）係o架！」