趙頌茹（阿Yu）昨日出席毛織設計比賽活動，她表示現從工作中尋回自信，Roy早前的家暴案件亦於昨日裁決，問到有否聯絡對方？她說：「就係因為單案，我哋唔聯絡得！（知唔知佢依家普通襲擊罪罪成，保釋候判？）我相信香港嘅司法制度，交畀佢哋處理。（擔心結果？）我經歷過嘅嘢已經過咗，依家係要做好自己同保護兩個女，將來佢係點，我都希望有個位可以傾吓，但依家好享受自己嘅工作同生活。」提到離婚手續，她表示仍處於分居狀況，初步要兩年，但如果有得傾都可以快少少，其後還輕鬆透露並不急於尋找第二段戀情，強調真愛是需要等待！