視后佘詩曼與兩名前緋聞男友鄭嘉穎及張智霖昨日同場，阿佘對兩人態度各異，與嘉穎有傾有講，與Chilam則近乎零交流，更被對方出動「人牆」胡杏兒擋佘！

阿佘與兩名緋聞男友鄭嘉穎及張智霖同場，被Chilam出動「人牆」胡杏兒阻隔。

佘詩曼、張智霖、鄭嘉穎與胡杏兒應邀擔任開幕嘉賓。

佘詩曼

佘詩曼、張智霖（Chilam）、鄭嘉穎、胡杏兒與陳智燊昨晚出席投資公司開幕禮，活動甫開始Chilam失足踏入水池，認真大意！阿佘上台時見到Chilam，神情略為尷尬，幸獲老闆解圍安排企位，但兩人席間近乎零交流。記者要求四人合照時，Chilam更拉着杏兒擋在中間，十分避忌。

拍戲日對夜對

相反，另一緋聞男友嘉穎則與阿佘有講有笑，問到在台上似有意避Chilam？阿佘笑說：「唔係，通常有安排企位，但今次冇。（同Chilam同場尷尬？）點會呀？我哋拍緊戲，成日見。」問到嘉穎可有恭喜阿佘封后？他說：「之前有傳短訊恭喜，依家有機會當面恭喜！」有傳Chilam避頒視后獎項給阿佘，問到若收到邀請，可會答應？嘉穎笑說：「我又冇老婆，梗係OK啦！」被指有意「避佘」的Chilam則解釋：「唔係，呢啲係男士風度，我哋拍戲都有排拍啦！（恭喜佢封后？）一陣有機會就親自恭喜佢。」有指他拒絕頒獎給阿佘，他笑說：「如果咁有影響力，十屆視帝都有得攞！」

杏兒聖誕唔預Mr. R

同場的杏兒計劃與嘉穎夾份投資，問到感情是否更進一步？她笑說：「講笑啫！」提到被Chilam用作「人牆」擋佘，杏兒說：「唔係，佢好有風度，畀女士企中間。」問到聖誕節是否與Mr. R有約？她透露平安夜會到內地拍攝真人騷。至於嘉穎被問到會否應邀與杏兒合作投資，他笑說：「佢謙虛啫！佢梗係有錢！（有機會再進一步？）佢有好多Mr. R！」