徐子珊與黃光亮昨日出席《紀念梅蘭芳先生聚餐》，向已故京劇大師梅蘭芳的弟子胡芝風拜師學習戲曲，子珊說：「好榮幸可以跟到梅蘭芳弟子學曲，我真係冇諗過，多謝黃光亮為我穿針引線，希望我可以喺演戲、唱歌、跳舞外，多一個範疇。（你前緋聞男友黎明都演過梅蘭芳，好有淵源？）咁遠都聯想到，我又聯想唔到喎！」

子珊（左）與黃光亮斟茶，拜胡芝風為師。

而黃光亮則說：「今次純粹係我老師郭兆明博士熱心推動中國文化，我哋就一齊拜師。胡老師係正統梅門弟子，我都想大家多多支持。實際上我唔鍾意出鏡，但學多啲嘢增值自己。」