鍾欣潼（阿嬌）出席英皇集團新樓盤「維港峰」Upton發布會，貴為圈中小富婆的她趁機問老闆楊受成攞折頭，並指若有折頭會考慮掃貨。

在港已有物業的阿嬌計劃到北京投資。

阿嬌笑言喜歡入廚，Mani即提議她開拍飲食節目。

阿嬌（右起）、楊受成與Mani為新樓盤造勢。

鍾欣潼與經理人霍汶希（Mani）昨日出席英皇集團（國際）有限公司新樓盤「維港峰」Upton發布會，老闆楊受成和太太陸小曼亦有到場，阿嬌趁機問楊生攞折頭，楊生笑說：「梗係有，靚女有優待嘅！」早前已購入英皇樓盤「維壹」單位的阿嬌表示，若楊生真的打折就會考慮再購入「維港峰」入貨。阿嬌又表示喜歡入廚，Mani笑言她可考慮炮製《十二道嬌味》。

讚阿Sa性感

問到目前持有多少物業時，阿嬌即隱藏小富婆身份：「我依家住緊嗰度，同埋維壹，其他我唔知喇！」又表示想在北京投資物業：「想喺北京買，因為平。」

臨近聖誕節，單身的阿嬌指應會留港過節，她說：「約阿Sa（蔡卓妍）啦！（佢唔使拍拖？）佢要陪我，應該得閒！」談到阿Sa主演的新片海報日前曝光，意識大膽，阿嬌大讚說：「好Sexy但唔暴露！」身旁的Mani即大爆要過關斬將才成功出街：「尺度真係好大，但好靚喎！阿Sa又影得唔色情。」

為紀念Twins明年出道15周年，Mani透露正籌備一個節目，但拒絕透露詳情：「唔想畀人抄橋，今次佢哋會辛苦啲，等佢哋經歷吓啲姊妹情。」又指會用三個月拍攝，阿嬌即問：「係咪可以去唔同地方？」Mani笑說：「霆鋒去德國，你去北角啦！」