無綫台慶劇《名門暗戰》前晚在將軍澳新都城商場直播大結局，出席演員包括黎耀祥、黃浩然及胡定欣等。《名》劇大團圓結局，劇中奸到出汁的黃浩然難逃一死，現場播出他被曹永廉亂刀插死時，觀眾看得大快人心。黃浩然表示是入行以來最奸的一次，他收看時也覺得很乞人憎，但他卻嫌未奸到夠喉：「奸嗰度如果可以長啲就好，奸角發揮幾大，睇公司安排會唔會繼續搵我做奸角！」他笑言反派角色出街惹觀眾鬧，故他不敢讓兒子看，怕他「學壞」：「個仔仲細，仲未識分，等大個少少先啦！」

岳華（右起）頒發「終極好人獎」給祥仔，連大奸角黃浩然都替他開心。

而三屆視帝黎耀祥正叫胡在台慶頒獎禮再下一城，他先攞頭彩在活動中獲得「終極好人獎」，他笑說：「仲開心過攞視帝，正所謂好人難做。」《名》劇是蔡思貝首套開播劇集，她說：「依家反而擔心就嚟播嘅《八卦神探》，嗰套先係我第一套拍嘅劇，驚觀眾同《名》劇比較，反而會覺得我退步咗。」