傅穎冷「峰」到

近年專注在內地發展的傅穎（Theresa），最近拍攝了一輯火辣宣傳照，穿上透薄白色線衫的她拋胸露肩，再配一頭濕髮，心口灑滿水珠，非常誘人，她笑說：「幾新鮮，我冇影過呢類相，喺冬天季節嚟個反差，令人意想不到。」她否認真空上陣，也否認身材加工：「係角度問題，我做足保護措施，只係想有啲突破，但未至於咁極限，始終要有底線。（拍戲有幾大尺度？）最緊要睇劇本同角色，我嘅底線係三點不露。」剛在內地拍完一套微劇的她，有意再唱歌，希望新一年事業有突破發展，談到感情生活，她笑說：「都係咁囉，有嘅話你知。（有冇追求者？）你估，哈哈，有啱嘅就好喇！」