前亞姐鄭伊娜離巢外闖，準備出旅遊書及食譜的她原來對於美容亦有心得。最近從馬來西亞旅遊返港的她因而曬黑，故要美白，她說：「其實我唔介意皮膚黑少少，咁樣健康啲，不過最近就曬傷咗，我日日敷蘆薈保濕Mask，水分對於皮膚好重要，只要塊面夠水分，其實皮膚就好自然變白，我皮膚容易敏感，所以唔會點用美白產品，反而一星期敷補濕Mask起碼四次，皮膚夠水分白得仲自然。」伊娜更謂多吃蔬果，有助排便，消化系統變好就連皮膚也會跟隨變好。

剛由馬來西亞旅遊返港的鄭伊娜不介意曬黑皮膚。

同時，伊娜覺得潔面是最重要的一環，她說：「我每日都會卸妝，即使唔化妝淨係搽防曬都好，都會用卸妝油卸，因為搽咗防曬品，唔用卸妝用品係唔會完全洗乾淨。當然卸完妝仲要用洗面奶再洗一次。」伊娜強調護膚宗旨是崇尚天然，因此喜歡用蘆薈的Mask為肌膚保濕。