藝人梁烈唯認真藝高人膽大，除愛在家中「淨係着條底褲通屋行」外，更自爆早前拍外景到公廁換褲期間，被公廁中「一味梳頭」的男士望到實，對方更表現亢奮，幸好劇務及時救駕！

唯唯飛身撲向閃電俠，睇嚟佢好鍾意喎！

唯唯與一眾藝人出席活動，獲大批粉絲舉牌支持！

朱璇與熱情的市民大玩自拍！

梁烈唯、苟芸慧、朱璇、蔡思貝及劉佩玥等，昨日到葵芳新都會廣場出席「明珠台《閃電俠．閃耀現身》」活動。

榮幸被航拍

受訪時唯唯自爆喜歡將底褲外穿，與追求激凸的超級英雄在衣着上有共同品味，他說：「我鍾意喺屋企淨係着條底褲通屋行，屋企對住個海，唔怕畀人睇到，如果有人航拍我，我都好榮幸！不過之前我拍劇要裸跑，咪去公廁換褲，點知個公廁好有玄機！有好多人唔係去廁所，一味梳頭，見我成身得條肉色幼邊底褲仲即刻好亢奮。劇務知道後，即刻唔畀我再去嗰個公廁，不過條肉色褲實在好幼，嚇到好多路過嘅途人。」

對於日前馬賽被網上欺凌一事，唯唯說：「我同馬賽都熟，但佢乜事呢？我真係唔知，冇睇到詳情，就唔方便評論。（打電話或者短訊慰問？）佢電話都好似改咗，唔知呢，見到面會慰問，我相信佢有足夠智慧處理o架喇！」

朱璇愛胸肌

而朱璇、蔡思貝及劉佩玥三女談起超級英雄時，大講擇偶條件，朱璇搞笑說：「我鍾意美國隊長，鍾意佢有強勁嘅胸肌。」蔡思貝說：「我鍾意Catwoman嘅神秘感，獨來獨往嘅人最有型！」而揚言喜歡狼人的劉佩玥，則被司儀陸浩明笑她傾情毛髮濃密的男士。