樂隊Dear Jane主音黃天翱（Tim）與前港姐楊洛婷拍拖八年，二人前日在美國夏威夷舉行婚禮，過程相當低調，除新郎的樂隊成員外，僅招待了雙方的家長及親屬。據知大婚當日正值雨天，幸天公作美其後放晴，儀式得以順利進行，Tim在婚禮上更親身演繹作給太太的「愛歌」！只見婚照中，楊洛婷穿上白色低胸婚紗流露幸福笑容，跟一身王子Look的Tim勁襯！新娘子更高舉花球與Tim一同「高呼愛」，認真搞笑。

楊洛婷與拍拖八年的Dear Jane主音Tim在美國拉埋天窗。

對於Tim「小登科」，同門師兄周柏豪說：「今年真係好年，好多人結婚，祝佢哋甜甜蜜蜜，年生貴子，快啲生個好Rock嘅BB。」連詩雅則說：「我一早已經祝福咗佢，希望佢哋新婚快樂，開開心心、早生貴子！」更指會待他倆回港後補送禮物。