婷婷遇李桂蘭唔尷尬

回復單身的謝婷婷昨晚出席「浪琴表香港國際賽事」歡迎晚宴，與舊愛戴尚安媽咪李桂蘭前後腳現身，先到場的婷婷得悉對方出席時，即大方指二人是好友：「我哋係網上嘅Shopping腳，大家會講時裝經，佢着衫着得好靚，又識自己化妝，對腳好靚好滑！（做唔成你奶奶好可惜？）OK！我哋仲係好朋友，我已經好幸運！」問到如何慶祝聖誕時，她透露希望與父母度過，早前她曾表示會建立Family Group聯繫家人，她說：「唔係咁Work，我未整，驚爹哋唔識用！啲科技嘢佢唔得。」並透露每次到訪謝賢寓所時，爸爸必定會打開後生靚仔相炫耀：「佢真係好靚仔，雖然我Prefer佢依家呢個Look多啲，Fashion啲，但我同啲長輩都係鍾意佢以前個烏蠅鏡九一分界Look！」並指出活動頭號男士會揀爸爸，皆因他又高又挺：「佢喺中環行我離9條街都見到佢，佢好有自信，佢咁型冇其他人想行埋去！」聖誕有家人相伴的她不覺孤單，更希望與姪兒度過。