今屆視后勝券在握的佘詩曼，對於同劇《使徒行者》拍檔「爆Seed」林峯於民選視帝票數方面直逼勁敵郭晉安，阿佘也力撐對方：「『釘姐』希望有驚喜，希望頒獎禮再遇『爆Seed』啦！」阿佘之所以瞓身支持阿峯，全因二人多次合作，默契早已建立，故今次全靠感覺投票，即使對方沒有與無綫續約，但阿佘仍無條件支持到底。而同劇的沈震軒也大讚阿峯演得好兼入屋，睇好對方攞視帝。

羅嘉良望安仔能追平他三屆視帝的紀錄。

阿佘撐硬好拍檔林峯稱帝。

萬綺雯讚安仔在《忠奸人》中奸得型。

此外，羅嘉良力撐同期出道的郭晉安，望好友能追平他三屆視帝的紀錄，並大讚安仔拿捏到《忠奸人》的奸角：「佢今次表現同以前好唔同，平時演開斯文乖仔，今次演得咁投入，奸到出汁表現完全出於演技！」

雖然嘉良力撐好友安仔，但他也讚馬德鐘在《飛虎Ⅱ》演技大躍進，分分鐘爆冷：「套劇一星期先播一集，係可能影響到觀眾嘅熱情，但佢真係好有進步，都幾有機會o架！」萬綺雯則支持安仔：「要坐輪椅演戲有好多掣肘，但佢做到，又奸又邪不知幾型！」