黎耀祥、胡定欣、曹永廉和蕭正楠等昨晚在商場舉行《名門暗戰》大結局活動，現場數百觀眾齊齊收看。活動開始時，眾人公審大奸角黃浩然，更笑言不如閹咗佢！

祥仔（右）和胡定欣公審黃浩然，更笑言要閹對方。

「小三」李佳芯向關菊英認錯。

蔡思貝（左）和陳自瑤悉心打扮睇結局。

「三屆視帝」祥仔憑該劇獲提名今屆視帝，問到會否趁機拉票？他說：「冇所謂！最緊要觀眾捧場，睇咗嚟判斷邊個係好，唔使畀感情分。」問到點睇最大勁敵郭晉安？祥仔指安仔在《忠奸人》的角色特別，會加分，但他與《名》劇中的拍檔則甚有火花。

談到有望成為首位「四屆視帝」？祥仔直言若再得獎必定立下里程碑：「我唔係要獎項去肯定自己，如果我『揸流攤』但攞獎，我會慚愧！」而胡定欣指希望大結局收視達30點，至於視帝方面，她坦言投了安仔：「我都好撐祥仔，但安仔角色突出。（怕唔怕祥仔嬲？）佢都唔知我投咗安仔。」