苟芸慧昨日到葵芳新都會廣場出席「明珠台《閃電俠.閃耀現身》」活動,透露工作大計:「公司通知我出年拍劇,期待養好身體開工。聖誕接咗演出,要唱歌,公司想我預一首廣東歌,一首英文歌。(唱郭富城啲歌?)唔係咁好,唔想拉埋一齊講。」對於馬賽被網上欺凌,她說:「我都試過畀人攻擊,網上攻擊唔使上心,唔值得為佢哋喺生命中花一秒鐘,我鼓勵馬賽,畀啲信心自己,唔好理嗰啲人!」

苟芸慧肥過紙板人,看來拍劇前要努力Keep Fit一番!