愛下廚的DJ路芙打算開展飲食事業，找來董敏莉、DJ鹹蛋和營養師陳玉儀夾份投資私房菜館，不過她們竟然從未試過路芙的手勢，這天路芙略顯身手，簡單煮兩味餸便令人流晒口水。

路芙下廚炮製美食，Monie、鹹蛋和陳玉儀在旁打氣。

路芙在美國曾當二廚，非常厲害。

Monie在旁睇路芙下廚偷師。

呢碟炒虎蝦睇見都想食。

路芙向來愛下廚宴請朋友，不過經常和她拍檔做主持的董敏莉（Monie）和鹹蛋竟然未試過她的手勢，故日前特地大顯身手，路芙說：「我會煮虎蝦同雞，前一晚整定豉椒醬，冇話秘唔秘製，都係落嗰啲料，睇個分量。」

Monie勁讚好味

第一次試路芙手勢的Monie讚不絕口：「個豉椒雞柳真係非常之好味，好想食晒佢啲配料同汁！最勁嘅係兩樣餸用嘅配料材料差唔多，但味道好唔同，應該要有啲功力先做到。」

原來路芙曾在美國跟大廚學師，怪不得煮得一手好菜，她說：「西餐我真係唔熟，我煮開中餐，因為我以前做酒樓，嗰時喺美國做過二廚，因為成班人入面我英文已經係最好嗰個。」她更密謀將興趣發展成事業：「依家Plan緊想搞類似私房菜嘅嘢，有個網係世界各地嘅人擺自己Menu上去，如果人哋Book你個Menu就去煮，依家仲係好初步計劃咋！」