唱作組合Robynn＆Kendy早前參加內地歌唱比賽後人氣急升，Robynn（葉晴晴）的身世亦曝光，日前二人接受《ontv東網電視》《娛樂onShow》訪問時，暢談比賽八強止步及身世被揭的心聲，更感激樂迷沒有離棄她們！

Robynn（左）與 Kendy認為最重要是找到真實的自己。

Robynn（左）與 Kendy暢談參加歌唱比賽節目的感受。

Robynn（左）、 Kendy與主持Look玩得開心，十足大細路。

唱作組合Robynn＆Kendy因參加內地歌唱節目《中國好聲音》而為人熟悉，二人雖然在比賽中八強止步，卻未有感到失望。日前Robynn＆Kendy接受《ontv東網電視》《娛樂onShow》訪問時，Kendy（孫曉慧）向主持Look暢談未能進軍四強的感受：「其實喺八強個位止步係一個好啱嘅時間，因為之後我哋要演舞台劇。（咁樣唔係幾好喎！）呢個係其次嘅原因啦！最主要係我哋最後唱嗰隻歌係《找自己》，其實我哋將佢輯錄咗喺專輯入面，覺得呢首歌可以概括成個比賽，又或者呢個階段，真係好有意思，亦提醒我哋無論喺咩場合同環境，都要搵番最真實嘅自己。」對於被揭有顯赫的家庭背景，Robynn指沒有刻意隱瞞，並會努力做好自己，她又感激樂迷沒有因此離棄她們。

爸爸上「腦」追蹤

Robynn＆Kendy的新歌《月湖》講述父母的愛，談到與父母相處之道，Robynn說：「一直以嚟爸爸唔太識用電腦，依家佢竟然識得上微博追蹤我嘅帳戶，知道我做緊乜嘢，所以真係好感動。」Kendy則自認內斂，所以靠歌詞向家人表達愛意。想了解Robynn＆Kendy更多生活點滴及趣事？就要密切留意《娛樂onShow》！