組合C AllStar日前應邀到酒店品嘗聖誕系列甜品扭紋黑松露蛋糕，四子大讚蛋糕好睇之餘又好味。他們表示今年聖誕將會四出報佳音，問到是否要過單身的「Lonely Christmas」？King自爆自從與On仔在紅館拖手後，不少粉絲將他們湊成斷背夫婦。

C AllStar四子大讚蛋糕好睇又好味，期間King更遭Jase寸爆。

貴為「月老」的釗峰說：「當時排練我目擊嗰刻，覺得佢哋爭咁啲嘢，我就提議不如拖住呀，再揈吓手啦！」

他們近日與Super Girls合唱新歌，雖然King指被五位美少女電暈，不過Jase繼續寸爆說：「你最鍾意On仔，嗰啲女仔會動搖到你咩？冇可能！」King打趣表示要多近女色，採陰補陽，盡快忘記「老公」On仔。