「四變三」的As One以全新形象再次起步，特地到韓國修煉一個月，學盡韓國天團的秘密絕技，煥然一新的三人誓要變身成為女強人，實行三個人一條心，繼續打天下！

Elfa（左起）、Nata與Shin特地到韓國修煉一個月，三個人一條心，繼續在樂壇發光發熱。

Nata（左起）、Elfa及Shin在新歌中一洗少女味，展現出「女大十八變」的成熟美。

原本以四人姿態出道的跳唱組合As One，今年成員Oli突然離隊，由四變三的她們雖然一度想過放棄，但最後仍決心以新歌《New Girl》重新出發，希望像新歌一樣表現出自信的女性美，隊長Shin說：「New Girl意思係Wanna be a new girl，希望我哋三個人可以以新形象再同大家見面。」三人在新歌中更一洗過去的少女味，展現出「女大十八變」的成熟美。

豪擲百萬元製作的《New Girl》由韓國班底全力打造，As One早前更遠赴韓國接受地獄式訓練一個月，除了跳舞唱歌造型外，三人更苦學韓語，希望為新歌推出韓文版：「喺韓國嘅一個月我哋每日都跳足八粒鐘，Elfa同Nata嘅韓文唔好，所以每日都好努力咁練，食食吓飯都拎實歌詞紙搵翻譯姐姐問點讀。」

聖誕呼喚愛

談及即將聖誕，As One笑言今年要貫徹「女強人」的形象，在工作中度過：「平安夜我哋會去澳門做嘢，其實我哋幻想中嘅聖誕就係好忙好忙好忙，不停咁同人倒數，因為聖誕做嘢好開心，可以將歡樂帶畀人。」

她們又笑言要呼喚單身的人跟她們一起過聖誕，即使單身亦要過一個充滿愛的聖誕！年紀尚輕的三人又談及雖然喜歡工作，但亦會掛念家人：「希望節日前後有時間同家人食餐飯，同埋我哋會準備定禮物擺喺屋企，希望佢哋拆禮物時會覺得安慰，囡囡好乖生性做嘢孝順佢哋。」