陳嘉佳感激伯樂王祖藍

陳嘉佳以可愛及圓碌碌身形殺入電視圈，形象深入民心，但原來喜劇演員背後亦有辛酸，她透露拍劇期間經歷老父逝世，仍要強顏歡笑繼續拍攝：「拍緊《老表，你好hea！》時，我爸爸離開咗，仲記得第二日要開工，拍郭晉安同萬綺雯結婚嗰幕，我當時冇話畀人知，淨係話咗畀監製知，但祖藍睇得出我有事，佢一問我就即刻爆喊，當時真係拍得好辛苦，最後祖藍真係好好，佢畀我走，嗰場戲唔使我拍！」由祖藍帶入行的她直言對方是她的伯樂，若不是祖藍提拔，自己仍是一個辦公室小妹，若將來有機會得獎，第一個多謝的是王祖藍。