黃心穎早前於劇集《再戰明天》中有不少戲份，外表爽朗的她原來最怕看到自己的演出，幾番掙扎才迫使自己匿在家中欣賞，她笑說：「睇自己演出好似睇恐怖片，好緊張。」

黃心穎外表爽朗充滿信心，但實際上卻缺乏自信。

黃心穎不敢看自己的演出，內心充滿掙扎。

黃心穎（右起）、吳啟華及黃德斌，在《再戰明天》中合作愉快。

前香港小姐黃心穎外表開朗爽快，但內裏卻十分害羞，早前在無綫劇集《再戰明天》中的演出，心穎要連番掙扎才敢面對自己的表現：「自己唔夠自信同怕醜，掙扎咗好耐，要逼自己先敢睇自己嘅演出，依家同馬德鐘拍緊《以和為貴》，有晚到我出場，佢話一定要睇番自己演出，自己好緊張，睇自己演出好似睇恐怖片咁，要一個人匿埋喺屋企先敢睇。」

心穎對自己首部多戲份的劇集缺乏信心面對，但實情卻受到讚賞：「劇集出街之後都收到好多朋友、同事短訊讚賞，我外表好有信心，但實際上係冇乜信心，得到認同增加咗信心，依家睇會自然好多。」

讚吳啟華好照顧

心穎早前莫名奇妙的與吳啟華傳出緋聞，她大讚啟華戲裏戲外也視她為妺妺照顧有加：「試過拍一場鬧啟華嘅戲，拍咗兩次導演都收貨，但啟華叫我鬧得放啲大聲啲，要求再拍一次，出嚟效果更加好。」心穎又請教啟華的演戲心得，她說：「啟華話我有懶音，自己都有特別注意，佢教我想演得自然，要幻想冇鏡頭喺度，依家都學習緊。」