曾苦練多種功夫的動作女星陳鈺芸（JuJu），早前與跆拳道界殿堂級師傅Master Lu（盧志強）及《功夫傳奇》武者陳志忠（Wilson）研究武學，JuJu更即場邀請Master Lu拍戲，在鏡頭前切磋武藝，她說：「Master激勵我好多！我係藝人，希望憑電影宣揚武術，寫咗幾個劇本，有套係動作喜劇，想邀請佢做動作指導！」問到Master Lu會否願意出鏡，他笑說：「睇緣分，我喺外國做過動作指導，演戲就未試過，可以考慮！」JuJu及Wilson即大讚Master Lu有搞笑一面，很適合演戲，Wilson說：「Master好風趣又玩得，一啲架子都冇。」

JuJu與Wilson（左）切磋武術，盧志強則從旁指導。