聖誕將至，性感女星崔碧珈、歌手小肥、陳慧敏及Kevin仔相約到郵輪擦大餐，四人對超巨型火雞最感興趣，急不及待爭食！崔碧珈及陳慧敏兩位少女更想在郵輪發展浪漫情緣！

崔碧珈（左）及陳慧敏對愛情充滿幻想，希望可在郵輪與男友Sweet爆過節。

小肥（左起）、陳慧敏、崔碧珈及Kevin仔在郵輪上豪歎聖誕大餐，甫見巨型火雞即急不及待爭住食！

小肥、陳慧敏、Kevin仔（KB）及崔碧珈（Anita）四位太陽娛樂文化同門師兄妹趁聖誕將至，上郵輪預祝佳節，四人豪擦聖誕大餐，當見到大過籃球的火雞時即興奮O嘴，小肥及陳慧敏更出動刀叉搶食，而Anita則偷食朱古力屋及馬卡龍，一片熱鬧歡欣！

浪漫最緊要心思

首次上郵輪的陳慧敏及Anita笑言對郵輪有浪漫幻想，希望有日可與男友上船甜蜜一番，陳慧敏說：「我會諗起《鐵達尼號》，有好多靚仔靚女游水，好浪漫！今次係我第一次歎咁大隻火雞，仲有咁多美食，真係唔相信眼前嘅事係現實！」Anita亦笑說：「我都想好似Jack同Rose咁，有個男伴喺甲板攬住我！」問到最難忘聖誕，Anita回想起多年前在英國留學時的一段情史：「當年我病咗冇得去Party，有個追我嘅男仔專登嚟我宿舍煮嘢畀我食，令我感受到浪漫唔一定要豪華，最緊要有心思！」

小肥自嘲好「鞋」

而為食的小肥最愛趁聖誕食火雞，貪其啖啖肉：「重量唔重質嘅就啱晒我，肉鞋啲都冇所謂，你知我好『鞋』、好『詼諧』o架嘛！」問到會否與女友上船過節，他即裝傻扮懵說：「吓？呢度咁多嘢玩，梗係成班朋友嚟啦！」至於外表前衞的KB則表示曾與父母上郵輪過聖誕一盡孝心，而他當年在澳洲留學時亦常與好友開P，最喜歡以彩條噴霧互噴。