模特兒彭梓穎（Cupid）繼考獲初階潛水牌後，日前再接再厲，赴菲律賓阿尼洛（Anilao）考進階開放水域潛水員牌！首次潛逾20米的她直言心情緊張：「今次係第一次潛過20米，開頭都好緊張，但落到海見到好多魚同海龜，就開心到唔識緊張，最後仲一Take過考到牌，可以潛40米。」她慶幸「第一次」潛水有驚無險：「喺香港落海，能見度得1米，只見到隔籬同學嘅半邊身，有啲驚。我又唔識游水，落到海好難平衡。」雖然潛水裝備很重，卻無礙其決心，考牌期間更發生小意外：「有次我甩咗隻蛙鞋，要教練喺26米陪我上番水面，好彩冇乜浪。」

Cupid潛水不忘騷事業線。

Cupid最愛在海裏和魚一同暢泳。