現年36歲的李璧琦，感情仍一片空白，但參加無綫歌唱比賽《星夢傳奇》而「Sing」夢成真的她笑說：「冇嘢比依家更幸福！」為了追求音樂夢，她不介意把感情放在一旁。

李璧琦

音樂人Becky希望另一半都喜愛音樂。

李璧琦（Becky）一直以主持和拍劇為主，現正努力向音樂夢進發，即使感情空白，她都覺得現在很幸福：「目前仲未諗到結婚生仔，依家係我事業發展得好嘅時候，希望專注喺工作，我嘅喜樂都喺事業方面，而且結婚生仔係冇Time Limit嘅。（媽咪冇催婚？）冇呀！因為哥哥已經有小朋友，有孫湊就夠啦！」提到擇偶條件，她希望另一半愛神、愛人、愛音樂，又自爆崇拜著名音樂人趙增熹：「佢係不老傳說，又彈得一手好琴，可惜佢已經結咗婚！」

音樂會全場激讚

去年在《星夢傳奇》中獻唱音樂劇歌曲一鳴驚人，今年一月她回到母校浸會大學舉行音樂會更全場滿座，令她喜出望外。她的音樂路有個長遠計劃：「未來8至10年喺音樂上想做多啲表演同幕前工作，而做音樂同拍劇、做主持係可以同步發展嘅；到10年後甚至6、70歲就想做同音樂教育有關嘅工作，將書上冇教嘅知識傳授畀學生。」

捱更抵夜照教書

Becky司儀工作不斷，每個騷可達五位數字收入，加上拍劇經常要捱更抵夜，但她仍堅持在音樂學院擔任導師：「如果最愛嘅嘢能成為職業，我就可以成為世上最開心嘅人。就算拍劇拍到凌晨4、5點，我下午都會如常去教學生，除咗見到我嘅學生成功令我有好大滿足感外，最大嘅原因係我唔會同音樂有距離，而教嘅過程中亦可以注入正能量。」