鍾舒漫在樂壇打滾7年，再出新碟的她找來妹妹鍾舒祺助陣，雖然兩人性格火星撞地球，卻出奇地擦出火花！紮起春麗頭的她倆實行做對潮爆姊妹花拍住上！

Sherman（右）與祺祺紮起春麗頭扮潮童，她們大呻拍MV時最難忍笑。

兩姊妹性格迥異，今次花兩個月時間合作擦出新火花。

祺祺（左）雖然嫌家姐煩，但事實上她們是姊妹情深。

為慶祝出道7年，鍾舒漫（Sherman）特別推出EP當作送給自己的禮物，更找來於台灣發展的妹妹鍾舒祺，兩姊妹孖公仔紮起春麗頭，以狂野造型唱出輕快調皮感覺，為歌迷帶來新鮮感！談到兩姊妹第一次合作，Sherman坦言過程相當痛苦，連歌詞亦要反覆修改，整個過程為期差不多兩個月：「真係歷時最長嘅歌，用咗個幾月！」

姊妹情太娘

她們從來未想過會有機會合作，皆因兩人風格有太大出入。為擦出新火花，兩姊妹不想「娘爆」賣弄姊妹情，Sherman笑說：「就係唔想人覺得我哋喺度Sell姊妹情，咁樣好娘！我哋想懶有型啲吖嘛！」

提到新歌的自製版本MV，兩人笑言將最真實的一面呈現給歌迷，祺祺說：「我哋喺MV裏面着晒睡衣咁，真係好真o架！」由於MV是零Budget的自家創作，大隻同事臨時充當攝影師，連打燈及剪接也一腳踢，場地則選址居住地區香港仔。Sherman透露拍攝期間惹來街坊的奇異目光，場面尷尬：「一路拍嗰時見到好多街坊，望住我哋兩個紮住4個髻，仲要望住個Mon好型咁唱，最難頂係要忍笑！」

兩人異口同聲表示雖然在鏡頭前看似輕鬆好玩，事實上她們在背後下了不少苦功：「大家都好重視第一次合作，亦都好投入，認真程度好似公司開會咁！」Sherman大讚妹妹創意十足，能啟發出大量全新概念，若沒有她就很難成事。

家姐煩到死

身旁的祺祺則大爆Sherman「好煩」：「佢成日係咁嗌我，祺祺乜乜乜，叫到我頭都暈！」問到為何不找男友吳浩康客串？Sherman說：「唔想佢做路人甲，真係合作就會想佢幫我彈。」她又指音樂是兩人之間的共通語言，將他倆連在一起：「人大咗唔同以前讀書，以前讀書拍拖覺得幾有好感，就試吓一齊！依家真係要有一個Common Language去連繫，就好似音樂咁！」