《東網Baby》郭奕芯從來沒有飲食業的打工經驗，但她日前接受大挑戰，在「德興日式放題鍋」擔任一日店長，由洗碗、落Order、派傳單及切牛肉等樣樣做齊！而甚少做家務的她，在洗碗大考驗時露出痛苦表情，更施展嗲功向工作人員撒嬌，可惜行動失敗要頂硬上！

性感的Ashina日前為火鍋店擔任一日店長。

望着面前的一大堆碗碟，Ashina忍不住嘴扁扁。

Ashina在師傅指導下嘗試切牛肉。

完成工作後，Ashina與真正的店長齊齊歎美食。

Ashina在街上派傳單，為店舖落力宣傳。

郭奕芯（Ashina）日前為「德興日式放題鍋」擔任一日店長，從未有飲食業打工經驗的Ashina，要在一日內完成洗碗、落Order、派傳單及切牛肉等工作，雖然她在過程中顯得雞手鴨腳，但仍通過「考驗」，成為合格店長！

在眾多工作中，Ashina均能應付自如，並大呼新奇好玩。不過當洗碗時，穿起圍裙兼戴上手套的Ashina，見到一大堆碗碟即大感頭痛，更嘴扁扁撒嬌說：「咁多碗點洗呀？」希望工作人員可以高抬貴手，可惜並不成功，只好硬着頭皮頂硬上，不過她洗了一會兒便將所有碗碟「完全消滅」，認真厲害！

自評80分

問到擔任一日店長的感覺如何？Ashina坦言很好玩，並給自己80分：「以前未做過飲食業，要一日做齊咁多嘢，起初聽落都驚驚哋，但做落又唔係好辛苦，覺得好好玩，我畀自己80分，因為仲有進步空間。（最好玩係咩？）派傳單，其實派嗰陣我好尷尬，好驚啲人唔接！」她又表示洗碗最有挑戰性：「平時都會洗碗，但洗咁多真係第一次，同埋又要着起圍裙咁，感覺好專業，雖然係辛苦啲，但我都唔介意。」